काठमाडौं – ऐतिहासिक हिट फिल्म ‘पूर्णबहादुरको सारङ्गी’को जोडी नायक विजय बराल र नायिका अञ्जना बराइलीलाई दर्शकले पुनः अर्को फिल्ममा देख्न पाउने भएका छन् ।
विजय र अञ्जना अहिले फिल्म ‘सिन्दुरे जात्रा’को छायाङ्कनमा छन् ।
यो जोडीलाई निर्देशक सरोज पौडेलले फेरि एक पटक ठूलो पर्दामा प्रस्तुत गर्ने भएका हुन् । पौडेल ‘पूर्णबहादुरको सारङ्गी’का निर्देशक हुन् ।
गत शुक्रबारदेखि पाल्पाबाट यस फिल्मको छायाङ्कन सुरु भएको हो । ३५ दिनमा छायाङ्कन सक्ने योजना रहेको निर्देशक पौडेलले बताए ।
यस फिल्मको लेखक पनि पौडेल आफैँ हुन् ।
प्रतिक्रिया