काठमाडौं–  नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’ले एमाले अध्यक्ष केपी शर्मा ओली लाई भेटेका छन्।

 एमाले सचिव पद्मा अर्यालले प्रचण्ड अध्यक्षलाई भेट्न अस्पताल पुगेको पुष्टि गरिन् ।

‘संयोजक कमरेड अध्यक्षको स्वास्थ्य अवस्था बुझ्न अस्पताल आउनुभएको हो,’ उनले खबरहबलाई भनिन् ‘दुई जनाको भेटमा अध्यक्षको स्वास्थ्यबारे कुरा भयो थप राजनितिक कुरा भएको मलाई जानकारी छैन’ । 

सचिव अर्यालले एमाले र नेकपाबीच एकता वा सहकार्यबारे अहिलेसम्म केही कुरा नभएको बताइन् । 

‘कसैलाई व्यक्तिगत रुपमा लागाएर भेटेको भए अलगै होला तर दुई दलबीच संस्थागत रुपमा कुरा अगाडि बढेको छैन’ उनले भनिन् ‘अध्यक्ष कमरेड अस्पतालबाट निस्केपछि यसबारे कुराकानी हुन सक्ला ।’ 

पत्थरीको शल्यक्रियापछि त्रिवि शिक्षण अस्पतालमा उपचाररत ओलीलाई भेट्न प्रचण्ड बिहीबार साँझ करिब सवा ५ बजे अस्पताल पुगेका थिए।