काठमाडौं – गृहमन्त्री सुधन गुरुङले बडादसैँको फूलपातीका दिन आज हनुमानढोका दरबार क्षेत्रमा रहेको तलेजु भवानीको पूजा आराधना गर्नुका साथै जीवित देवी कुमारीको दर्शन गरेका छन्।
गृहमन्त्री गुरुङ आज बिहान हनुमानढोका दरबार क्षेत्र पुगेर तलेजु भवानीको पूजा आराधना गरेका हुन्। त्यसपछि उनले सर्वसाधारणसँगै लाइनमा बसेर जीवित देवी कुमारीको दर्शन गरेका थिए।
बडादसैँको अवसरमा तलेजु भवानीको पूजा आराधना र कुमारीको दर्शन गर्न हनुमानढोका दरबार क्षेत्रमा भक्तजनको उपस्थिति रहने गरेको छ।
नेपालीको महान् पर्व बडादसैँअन्तर्गत फूलपातीका दिन विभिन्न शक्तिपीठमा पूजा आराधना तथा दर्शन गर्ने परम्परा छ।
प्रतिक्रिया