काठमाडौं- नेपाली कांग्रेस केन्द्रीय कार्यसमितिको बिहीबार सुरू बैठकमा तत्कालीन सभापति शेरबहादुर देउवाका विश्वास पात्र मीनबहादुर विश्वकर्मादेखि महालक्ष्मी डिना उपाध्यायसम्म उपस्थित भएका छन्।

अरू ज्ञानेन्द्र बहादुर कार्की, रामहरि खतिवडा, राजीविक्रम शाह, इन्द्रबहादुर बानियाँ, नैनसिंह महर र जीवनबहादुर शाहीसमेत सानेपा बैठकमा उपस्थित भएका छन्।

विगतमा पूर्व सभापति देउवालाई बलियो साथ दिएका यी नेताहरू सानेपा बैठकमा उपस्थित हुनुलाई विशेष महत्वका साथ हेरिएको छ ।

बिहीबार बसिरहेको केन्द्रीय कार्यसमितिको बैठकमा सभापति गगन थापाले सबै नेताहरूलाई बोलाएका थिए। पूर्वसभापति शेरबहादुर देउवालाई भने निम्तो नपठाइएको बुझिएको छ।

को को पुगे ?

महालक्ष्मी डिना उपाध्याय, श्याम घिमिरे, रामहरि खतिवडा, सुरेन्द्र पाण्डे, मीनबहादुर विश्वकर्मा, ज्ञानेन्द्रबहादुर कार्की, इन्द्रबहादुर बानियाँ, नैनसिंह महर, जीवनबहादुर शाही, सुशीला थिङ र गोविन्द भट्टराईलगायत रहेका छन्। उनीहरूलाई कांग्रेस केन्द्रीय समितिका नेताहरूले स्वागत गरे ।

तस्बिरहरू : नेपाल फोटो लाइब्रेरी