काठमाडौं – सत्तारूढ राष्ट्रिय स्वतन्त्र पार्टी (रास्वपा) ले आफ्ना पदाधिकारी तथा सांसदहरूबाट मासिक लेबी उठाउने निर्णय गरेको छ ।
बिहीबार सिंहदरबारमा बसेको संसदीय दलको बैठकले पार्टीका विभिन्न तहका जनप्रतिनिधि र स्वकीय सचिवहरूको लेबी दर निर्धारण गरेको हो ।
निर्णयअनुसार मन्त्रीहरूले मासिक १८ हजार रुपैयाँ, सांसदहरूले १६ हजार ५०० रुपैयाँ र मन्त्री तथा सांसदका स्वकीय सचिव (पीए)हरूले २ हजार रुपैयाँ लेबी तिर्नुपर्नेछ ।
पार्टीका संसदीय दलका प्रमुख सचेतक कविन्द्र बुर्लाकोटीका अनुसार यो रकम पार्टीको संगठन सुदृढीकरण, चुनावी तयारी तथा अन्य आन्तरिक गतिविधिमा प्रयोग गरिनेछ । रास्वपा हाल संघीय सरकारमा सहभागी छ ।
प्रतिक्रिया