काठमाडौं- नेकपा एमालेका उपमहासचिव योगेशकुमार भट्टराईले सोमबार राष्ट्रपति रामचन्द्र पौडेललाई भेटेका छन् ।

फागुन २१ को निर्वाचनको नतिजापछि शीतल निवास पुगेका उनले भदौ २३ र २४ को जेन-जी आन्दोलनपछिको जटिल अवस्थामा संविधान जोगाउन खेलेको अभिभावकीय भूमिकाप्रति राष्ट्रपतिलाई धन्यवाद दिएका छन् ।

उक्त दुई दिने आन्दोलनपछि निम्तिएको अनिश्चितताबीच संविधानको क्रियाशीलता र लोकतान्त्रिक प्रणाली बचाउन राष्ट्रपतिले खेलेको भूमिकाको सराहना गरेका हुन् ।

‘भदौ २३ र २४ का घटना र त्यसपछिको अन्यौल तथा अनिश्चयको अवस्थामा संविधानको क्रियाशीलता अनि लोकतान्त्रिक प्रणालीलाई पुनर्जीवित गर्न सम्माननीय राष्ट्रपतिले मुलुकलाई गर्नु भएको सही दिशानिर्देश तथा अभिभावकीय भूमिकाप्रति उच्च सम्मान !’, उनले भनेका छन् ।

भेटका क्रममा राष्ट्रपतिबाट आफूलाई प्रेरणादायी सल्लाह तथा सुझाव पनि प्राप्त भएको भन्दै उनले आभार व्यक्त गरेका छन् ।

सितलनिवास