घाइते चितुवा मर्‍यो, कर्मचारी घाइते

४ फाल्गुन २०८२, सोमबार

पढ्न लाग्ने समय : < 1 मिनेट

अर्घाखाँची – जिल्लाको मालारानी गाउँपालिका—३ मा पासोमा परी घाइते भएको चितुवा मरेको छ ।

गाउँपालिका–३ टुनीपोखरीमा स्थानीयले वन्यजन्तुलाई थापेको पासोमा परी घाइते भएको चितुवालाई उद्धार गरी वन कार्यालय अर्घाखाँचीमा लगिएको थियो ।

उपचारको क्रममा आज दिउँसो पोथी माउ चितुवा मरेको डिभिजन वन कार्यालय अर्घाखाँचीका सूचना अधिकारी केशव खड्काले जानकारी दिए ।

चितुवाको उद्धार गर्ने क्रममा वन कार्यालयका कर्मचारी नमलाल श्रेष्ठ घाइते भएका छन् । गए रातिदेखि पासोमा परेर घाइते चितुवाको आजै उद्धार गरिएको थियो ।

प्रकाशित मिति : ४ फाल्गुन २०८२, सोमबार १० : १८ बजे

प्रतिक्रिया