काठमाडौं – कथा सस्पेन्स राखेर फिल्म ‘द ब्ल्यू लाइट’को ट्रेलर सार्वजनिक गरिएको छ । निर्माण पक्षले ललितपुरमा शुक्रबार एक कार्यक्रमको आयोजना गरी ट्रेलर सार्वजनिक गरेको हो ।

ट्रेलरमा चलचित्रका अधिकांश कलाकारलाई देख्न सकिन्छ । साइकोलोजिकल थ्रिलर जनरामा निर्माण भएको यस फिल्ममा बेनिशा हमाल, अर्पण थापा, आयुशमान देशराज जोशी, श्रृष्टि श्रेष्ठ, महेश त्रिपाठी र सुरक्षा इटानी मुख्य भूमिकामा छन् ।

ट्रलरले फिल्म प्रेम, धोका र बदलाको कथामा आधारित कथामा बनेको प्रष्ट पार्छ । ट्रेलरमा कथा सस्पेन्स नै राखिएको छ ।

‘द ब्ल्यू लाइट’मा बाल कलाकारमा ग्रिस्मा कटुवाल र सहारा शर्मा छन् ।

स्काइफल पिक्चर्सले प्रस्तुत बनेको ‘द ब्ल्यू लाइट’को निर्माता र निर्देशक बलिराम चौहान हुन् । उनको यो डेब्यू निर्देशन हो । चौहान र उपाश्रीले मिलेर फिल्म लेखेका हुन् ।

फिल्मको प्रदर्शन मिति माघ १६ लाई तोकिएको छ ।

ट्रेलरको लिंक :