काठमाडौँ – काठमाडौँको टेकुस्थित शुक्रराज ट्रपिकल तथा सरुवा रोग अस्पतालले २०८३ सालको दसैँ बिदाका दिनहरूमा पनि ओपीडी (बहिरङ्ग) लगायतका स्वास्थ्य सेवा सञ्चालन गर्ने भएको छ ।

अस्पताल प्रशासनद्वारा शुक्रबार जारी सूचना अनुसार कात्तिक ४ र ५ गतेबाहेक अन्य दसैँ बिदाका दिनहरूमा अस्पतालका सम्पूर्ण सेवाहरू सञ्चालनमा रहनेछन् । ती दिनमा बिहान ९ बजेदेखि दिउँसो १ बजेसम्म ओपीडी लगायतका सेवाहरू उपलब्ध हुने अस्पतालले जनाएको छ ।

यस्तै, अस्पतालको इमर्जेन्सी (आकस्मिक) र अन्तरङ्ग सेवा भने दशैँ बिदाका अवधिभर नियमित रूपमा २४ सै घण्टा सञ्चालन रहने अस्पताल प्रशासनले जनाएको छ ।

दसैँका बेला बिरामीलाई स्वास्थ्य उपचारमा सहजता होस् भन्ने उद्देश्यले अस्पतालले सार्वजनिक बिदामा पनि सेवा निरन्तर दिने निर्णय गरेको हो ।