काठमाडौं– अस्ट्रेलियाको डार्विनमा हुने टप एन्ड टी प्रतियोगिताका लागि नेपाल ‘ए’ क्रिकेट टिमको बिदाइ गरिएको छ । आइतबार एक कार्यक्रमकाबीच १५ सदस्यीय टिमको बिदाइ गरिएको हो ।
यही अगस्ट २१ देखि ३० तारिखसम्म सञ्चालन हुने उक्त प्रतियोगितामा नेपालले सहभागिता जनाउनेछ ।
‘टप एन्ड टी-२०’ प्रतियोगिता सकिए लगत्तै नेपाल ‘ए’ ले अस्ट्रेलियामै थप खेलहरू खेल्ने तालिका छ ।
जसअनुसार नेपालले साउथ अस्ट्रेलिया, तास्मानिया र जिल्याण्ड ‘ए’ विरुद्ध मैत्रीपूर्ण सिरिज खेल्नेछ।
अस्ट्रेलिया भ्रमणमा जाने टिमको कप्तानी अनिल कुमार साहले गरेका छन् ।
टिमका अन्य खेलाडीहरूमा त्रित राज दास, मयन यादव, कुशल भुर्तेल, पवन सराफ, दीपक डुम्रे, कुशल मल्ल र लोकेस बम छन् ।
यसैगरी रसिद खान, नारायण जोशी, आकाश चन्द, साहब आलम, विपिन खत्री, युवराज खत्री र रिजन ढकाल पनि टिममा अटाएका छन् ।
तस्बिरहरू : नेपाल फोटो लाइब्रेरी
प्रतिक्रिया