काठमाडौं– सर्लाही, धनुषासहित मधेशका जिल्लाबाट २३ दिन पैदलयात्रा गरेर काठमाडौं आइपुगेका लघुवित्त पीडितहरू ललितपुरको पुल्चोकस्थित राष्ट्रिय मानव अधिकार आयोग बाहिर धर्ना बसिरहेका छन्।
गत शुक्रबार ध्यानाकर्षण पत्र बुझाएर उनीहरू धर्ना बसेका हुन् । माग पूरा नभएसम्म धर्ना बस्ने उनीहरूले बताएका छन् ।
यसैबीच, लघुवित्त पीडितहरूलाई नेपाल तान्त्रिक झाँक्री संघ नामक संस्थाले खाना खुवाइरहेको छ ।
फुको चिउराको भरमा धर्ना बसिरहेका उनीहरूलाई शनिबार बिहानदेखि काठमाडौंको माकलबारीमा रहेको संस्थाले त्यहीँ पकाएर ललितपुरमा ल्याई धर्नामा बसेकाहरूलाई वितरण गरिरहेको जनाएको छ।
तस्बिर : सुर्याम्स उप्रेती/नेपाल फोटो लाइब्रेरी
प्रतिक्रिया