काठमाडौं- इरानका विदेशमन्त्री अब्बास अराघची बुधबार पूर्वघोषणाबिनै कतारको राजधानी दोहा पुगेका छन्।

इरानी समाचार संस्था मेहरका अनुसार उनी कतारका पूर्व अमिर हमद बिन खलिफा अल थानीको सम्मानमा आयोजित कार्यक्रममा सहभागी हुन त्यहाँ पुगेका हुन्।

कतारको सर्वोच्च सरकारी निकाय अमिरी दिवानका अनुसार ७४ वर्षीय पूर्व अमिर हमद बिन खलिफा अल थानीको आइतबार निधन भएको थियो।

अराघचीको यो भ्रमण हालैका साताहरूमा इरानले अमेरिकी आक्रमणको जवाफस्वरूप कतारस्थित अमेरिकी सैन्य अड्डामा आक्रमण गरेपछि भएको हो।

कतारले गत जुनमा अमेरिका र इरानबीच भएको वार्तामा मध्यस्थकर्ताको भूमिका खेलेको थियो। सोही वार्तापछि दुवै देशबीच समझदारीपत्र (एमओयू) भएको भए पनि अहिले त्यो सहमति कमजोर बन्दै गएको बताइएको छ।

अराघचीले दोहा भ्रमणका क्रममा अमेरिका–इरानबीचको युद्धविराम पुनःस्थापनाबारे कुनै छलफल गर्ने वा नगर्ने भन्ने विषय भने स्पष्ट भएको छैन।