तेहरान- इरानको राष्ट्रिय फुटबल टोली विश्वकप खेल्न अमेरिका पुगेको छ। अमेरिका र इरानले शान्ति सम्झौताको घोषणा गरिरहँदा टोली लस एन्जलस पुगेको हो।
मेक्सिकोलाई आफ्नो तालिम केन्द्र बनाइरहेको इरानले मंगलबार न्युजिल्यान्डविरुद्ध पहिलो खेल खेल्ने तालिका छ।
इरानी स्ट्राइकर मेहदी तारेमीले दुई देशबीचको तनावले टोलीको तयारी प्रभावित भएको बताएका छन्।
भिसासम्बन्धी समस्याका कारण इरानी टोलीले विश्वकपका लागि आफ्नो आधार शिविर अमेरिका नभई मेक्सिकोमा राख्नुपरेको थियो।
लस एन्जलसमा इरानी मूलका केही समूहहरूले विरोध प्रदर्शनको तयारी गरिरहेका छन् । तर खेलाडीहरूले आफ्नो उद्देश्य राजनीतिक नभई फुटबलमार्फत इरानीहरूलाई एकताबद्ध गर्नु रहेको बताएका छन्।
प्रतिक्रिया