वाशिङ्टन– अमेरिकी राष्ट्रपति डोनाल्ड ट्रम्पले इरान युद्धका बीच खाडी देशहरूमा हमला हुने आशा नभएको बताएका छन्।

उनले यो कुरा फक्स न्यूजलाई दिएको अन्तर्वार्तामा भनेका हुन्। ट्रम्पले कतार, साउदी अरेबिया र यूएई जस्ता देशहरूलाई इरानद्वारा निशाना बनाइने विश्वास आफूलाई नभएको बताएका हुन् । तर इरानले आफूमाथि आक्रमण भएपछि जवाफी कारबाही चलाएको थियो ।

उनले इरान मध्यपूर्वमा आफ्नो प्रभाव बढाउने प्रयास गरिरहेका बेला अमेरिकाले रोकेको बताए । ट्रम्पले यदि अमेरिकाले गत वर्ष कारबाही नगरेको भए इरानले छिट्टै परमाणु हतियार बनाउन सक्ने पनि दाबी गरे । इरानले त्यसको प्रयोग क्षेत्रीय देशहरूविरुद्ध गर्न सक्ने उनको अनुमान थियो ।

इरानको प्रतिबन्धित सुपरट्यांकरले हर्मुज स्ट्रेट पार गर्‍यो

इरानको स्थानीय समाचार एजेन्सीका अनुसार, अमेरिकाको रोकतोकका बाबजुद एक प्रतिबन्धित सुपरट्यांकरले हर्मुज स्ट्रेट पार गरेर गरेको छ । यो जहाज इरानको इमाम खुमैनी बन्दरगाहतर्फ प्रस्थान गरेको छ।

रिपोर्टमा यो भीएलसीसी (भेरी लार्ज क्रुड क्यारिअर) कच्चा तेल बोक्न सक्ने जहाज हो । जसले २० लाख ब्यारल कच्चा तेल बोक्न सक्छ। तर, ट्यांकर आफ्नो मालसहित फर्किरहेको थियो या खाली भन्ने स्पष्ट भएको छैन।