काठमाडौं – आईसीसी टी–२० विश्वकप अन्तर्गत भारतविरुद्ध जवाफी ब्याटिङ गरिरहेको पाकिस्तानले चौथो विकेट गुमाएको छ । भारतका अक्षर पटेलले पाकिस्तानका बाबर आजमलाई क्लीन बोल्ड गरेका हुन् ।

यसअघि भारतका हार्दिक पाण्डेयाले पहिलो ओभरको चौथो बलमा साहिबजादा फरहानलाई शुन्य बलमा नै आउट गरेका थिए । त्यस्तै जसप्रित बुमराहले सईम अयुब, सलमान अली आगाको विकेट लिएका थिए ।

यसअघि श्रीलंकाको राजधानी कोलम्बोमा टस हारेर पहिले ब्याटिङ गरेको भारतले निर्धारित २० ओभरमा सात विकेट गुमाएर १७५ रन बनाएको थियो ।

उसका लागि ईशान किसानले सर्वाधिक ७७ रन बनाए । आउट हुनुअघि उनले ४० बलमा ७७ रनको विस्फोटक पारी खेले । यस क्रममा उनले १० चौका र तीन छक्का प्रहार गरे ।

यस्तै कप्तान सुर्यकुमार यादवले ३२, शिवम् दुवेले २७, तिलक बर्माले २५ रन बनाए । भारतका हार्दिक पाण्डया र अविषेक शर्मा शुन्य रनमा नै आउट भएका थिए ।

पाकिस्तानका लागि साइम अयुबले तीन विकेट लिए । चार ओभर बलिङ गरेका उनले भारतका इसान किसन, तिलक बर्मा र हार्दिक पाण्ड्यालाई आउट गरे । यस्तै सलमान अली आगा, उस्मान तारिक र शाहिन अफ्रिदीले एक एक विकेट लिए ।