काठमाडौं– स्वास्थ्य बीमा बोर्डले बीमितहरूको सहजता, पारदर्शिता र सूचनामा पहुँच विस्तार गर्ने उद्देश्यले  ‘एच आइ बी अर्लट’ नामक नयाँ डिजिटल सूचना सेवा सुरु गरेको छ । 

यस प्रणालीमार्फत अब बीमितहरूले आफ्नो स्वास्थ्य बीमा खाताबाट भएको खर्च तथा दाबी (क्लेम) सम्बन्धी विवरण मोबाइलमा एसएमएस मार्फत प्राप्त गर्न सक्नेछन् ।

बोर्डका अनुसार  एच आइ बी अलर्ट प्रणाली लागू भएसँगै बीमितले आफ्नो बीमा खाताबाट अस्पतालमा गरिएको उपचार, खर्च गरिएको रकम तथा दाबी प्रक्रियासम्बन्धी जानकारी तुरुन्तै मोबाइलमा पाउनेछन् । यसले बीमा सेवामा पारदर्शिता बढाउनुका साथै सम्भावित अनियमितता नियन्त्रण गर्न समेत सहयोग पुग्ने अपेक्षा गरिएको छ ।

बोर्डले यो सेवा प्रभावकारी रूपमा सञ्चालन गर्न बीमितहरूको मोबाइल नम्बर अद्यावधिक हुनु अनिवार्य रहेको जनाएको छ । हालसम्म आफ्नो मोबाइल नम्बर अद्यावधिक नगरेका बीमितहरूले सम्बन्धित जिल्लामा रहेको स्वास्थ्य बीमा बोर्डको कार्यालयमा सम्पर्क गरी विवरण अद्यावधिक गर्न आग्रह गरिएको छ ।

यसमा मिल्ने शीर्षक के होला  ? 

स्वास्थ्य बीमा बोर्डले डिजिटल प्रणालीको प्रयोग विस्तार गर्दै बीमितमैत्री सेवा प्रदान गर्ने रणनीति अन्तर्गत यो सेवा सुरु गरेको जनाएको छ ।

यसबाट बीमितहरूले आफ्नो बीमा प्रयोगको विवरणबारे तुरुन्त जानकारी पाउने, सेवा प्रवाहमा विश्वास बढ्ने र प्रणाली अझ पारदर्शी बन्ने विश्वास बोर्डले लिएको छ।

यो प्रणालीले स्वास्थ्य बीमा कार्यक्रमलाई थप विश्वसनीय, उत्तरदायी र सेवाग्राहीमैत्री बनाउन महत्त्वपूर्ण योगदान पुर्‍याउने अपेक्षा गरिएको छ ।