काठमाडौं – आईसीसी विश्वकपमा दक्षिण अफ्रिकाले लगातार तेस्रो जित निकालेको छ । शनिबार राति भएको खेलमा न्युजिल्यान्डलाई सात विकेटले हराउँदै दक्षिण अफ्रिका समूह ‘डी’को तालिकाको शीर्ष स्थानमा उक्लिएको हो । एक खेल खेल्न बाँकी हुँदा दक्षिण अफ्रिकाले ६ अंक जोडेको छ ।
सूरुमा ब्याटिङ गरेको न्युजिल्यान्डले पूरै २० ओभर खेल्दै सात विकेटको क्षतिमा दिएको १७६ रनको लक्ष्य दक्षिण अफ्रिकाले १७ ओभर एक बलमा मात्र तीन विकेटको क्षतिमा १७८ रन बनाउँदै भेट्टाएको हो ।
दक्षिण अफ्रिकाको जितमा एडेन मार्करमले मात्र ४४ बलको सामना गर्दा अविजित ८६ रन बनाए ।
प्रतिक्रिया