काठमाडौं – मोरक्को अफ्रिका कप अफ नेसन्सको फाइनल प्रवेश गरेको छ। बुधबार राति भएको दोस्रो सेमिफाइनलमा नाइजेरियालाई हराउँदै मोरक्को फाइनल प्रवेश गरकेको हो।
निर्धारित समय र थप समयमासमेत दुवैतर्फबाट गोल हुन नसकेपछि सेमिफाइनलको निर्णय पेनाल्टी सुटआउटबाट भएको हो।
पेनाल्टी सुटआउटमा नाइजेरियालाई ४-३ गोल अन्तरले पराजित गर्दै मोरक्को फाइनल पुगेको हो। मोरक्कोको फाइनल यात्रामा गोलकिपर यासिन बोनो नायक बने।
पहिलो सेमिफाइनलमा इजिप्टलाई १-० गोल अन्तरले हराउँदै सेनेगेल फाइनल पुगिसकेको छ। अब फाइनलमा आइतबार मोरक्कोले सेनेगलसँग प्रतिस्पर्धा गर्नेछ।
प्रतिक्रिया