काठमाडौं – नायिका प्रियंका कार्कीले फिल्म रिलिजताका हल्का फुल्का फन्डा नगर्ने कुरै भएन । कम्तीमा पनि उनको अन्तर्वार्ता भने पनि चर्चामा आउँछ । प्रचारका लागि के बोल्दा हुन्छ, त्यो उनलाई थाहा छ ।

अब प्रियंका मेकर बन्ने दौडमा छिन् । उनको फिल्म ‘मास्टर्नी’को प्रमोसनल गीत ‘ओइ मास्टर्नी’ भाइरल गायक दुर्गेशको स्वरमा रिलिज भएको छ । गायिका बबिना किराती छन् ।

‘कसरी प्रचारमा हुन्छ’ भन्ने थाहा पाएकी प्रियंकाले भाइरल हुने सम्भावना रहेको भरपुर कन्टेन्ट प्रमोसन समावेश गरेकी छन् ।

‘डट्री ट्रयाक’ (अश्लील भाइब दिने) शैलीको यो गीतमा प्रियंकाले श्रीमान् आयुष्मान देशराज जोशीसँग ठुक्का लगाएका छन् । गीतका गायक तथा मोडल दुर्गेशसँग भने बोल्ड सिन दिएकी छन् ।

गायिका बबिनाको अंशमा परेका केही शब्दहरू ‘श्रवण भ्रम’ गराउने किसिमका छन् । गीतका यस्ता पाटो टिकटकमा भाइरल हुन्छ ।

यही कुरालाई ध्यानमा राखिएको हो कि अन्जानमा भएको त्यो भने निर्माण पक्षलाई नै थाहा होला । श्रवण भ्रमले विवाद हुने जोमिखले गीतमा लिरिक्स भने राखिएको छ ।