काठमाडौं- साविक विश्वकप विजेता अर्जेन्टिनाले अल्जेरियाविरुद्ध खेल्ने समूह चरणको खेल पोल्यान्डका रेफ्री सिज्मोन मार्सिनियाकले खेलाउने भएका छन्।

मार्सिनियाकले सन् २०२२ को कतार विश्वकप फाइनलमा पनि अर्जेन्टिनाको खेलमा रेफ्रीको भूमिका निर्वाह गरेका थिए।

‘ला स्कालोनेटा’ र अल्जेरियाबीचको खेलको जिम्मेवारी उनैले पाएका छन्।

विश्वकपको पहिलो खेलमा अर्जेन्टिनाको रेफ्री को हुने भन्ने जानकारी सार्वजनिक भएपछि धेरै समर्थकको अनुहारमा हल्का मुस्कान देखिएको टिप्पणी भएको छ।

सन् २०२२ विश्वकप उपाधि जितेको ऐतिहासिक फाइनल खेल सञ्चालन गरेका उनै पोलिस रेफ्री मार्सिनियाक फेरि एकपटक अर्जेन्टिनाको खेलमा देखिन लागेका छन्। यो घोषणा सुन्दा धेरैलाई समय निकै छिटो बितेझैँ महसुस भएको टिप्पणी सञ्चारमाध्यमले गरेका छन् ।