काठमाडौँ – फिफा विश्वकप २०२६ अन्तर्गत समूह ‘सी’ को बहुप्रतीक्षित खेलमा पाँच पटकको च्याम्पियन ब्राजिल अफ्रिकन पावरहाउस मोरक्कोले १-१ गोलको बराबरीमा खेलेका छन्। न्युजर्सीस्थित मेटलाइफ स्टेडियममा भएको निकै प्रतिस्पर्धात्मक खेलको ७१ औँ मिनेटसम्म दुवै टोलीले १-१ गोलको बराबरी खेलेका छन्।

खेलको पहिलो हाफको अन्त्यतिर दुवै टोलीले आक्रामक खेल पस्किए पनि दोस्रो हाफमा भने खेल केही सुस्त देखिएको छ। खेल सकिन २० मिनेटभन्दा कम समय बाँकी रहँदा दुवै टोली रणनीतिक परिवर्तन गर्ने दाउमा देखिन्छन्।

खेलमा मोरक्कोका लागि साइबारीले २१ मिनेटमा गोल गर्दै टोलीलाई सुरुवाती अग्रता दिलाएका थिए। तर, मोरक्कोको त्यो खुसी धेरै बेर टिक्न पाएन। ब्राजिलका स्टार विनेसियस जुनियरले ३२ मिनेटमा उत्कृष्ट गोल गर्दै खेललाई १-१ को बराबरीमा ल्याए।

यस समूह ‘सी’ मा ब्राजिल र मोरक्कोसँगै स्कटल्यान्ड र हाइटी पनि रहेका छन्। विश्वकै सबैभन्दा सफल टोली ब्राजिलले यसपटक सुखद सुरुवात गर्ने अपेक्षा गरिए पनि बलियो मोरक्कोले उसलाई कडा टक्कर दिएको छ । खेलकाे ७१ मिनेटसम्म बराबरीमा छन् ।