काठमाडौं- नीति तथा कार्यक्रममाथि सांसदले राखेको प्रश्नको जवाफ अर्थमन्त्री स्वर्णिम वाग्लेले दिने भएपछि प्रतिपक्षले पुनः संसद घेरेका छन् । प्रतिपक्षी दल नेपाली कांग्रेस नेकपा एमाले राष्ट्रिय प्रजातन्त्र पार्टी नेपाल कम्युनिस्ट पार्टी सबै उठेर विरोध जनाइरहेका छन् । उनीहरूले सभामुख डोलप्रसाद अर्याल डिपीलाई प्रधानमन्त्री जसरी भएपनि जवाफ दिन संसद बैठकमा जवाफ दिन आउनुपर्ने माग राखेका छन् ।

प्रतिपक्षी दल कांग्रेसबाट बासना थापा एमालेबाट एनमोहर श्रम संस्कृतिबाट ओरेन राई र राप्रपाबाट ज्ञानेन्द्र शाही बोल्दैछन् । सबै प्रतिपक्षीले बालेनको उपस्थिति हुनुपर्ने माग राखिरहेका छन् ।

यसैबीच, राप्रपा नेपालका सांसद ज्ञानेन्द्र शाहीले प्रधानमन्त्रीको अनुहार हेर्न र भाषण गर्न संसदमा नबोलाएको बताएका छन् । उनले सांसदलाई बन्धक बनाएर देश चलाउने मानसिकता लोकतन्त्र विपरीत रहेकाले सदनमा स्वयं प्रधानमन्त्री उपस्थित हुनुपर्ने बताए ।

प्रधानमन्त्री उपस्थित नभए सदन चल्न नदिने प्रतिपक्षको माग छ । “प्रधानमन्त्रीको अनुहार हेर्न सदन बोलाएको होइन जवाफ माग्न बोलाएको हो । प्रधानमन्त्रीज्यू तत्काल संसदमा उपस्थित भई जवाफ दिनुपर्छ।” उनले भने, “यो गतिविधिको हामी घोर निन्द्रा गर्दछौँ । प्रधानमन्त्री सदनमा जसरी उपस्थित हुनुपर्छ । “