काठमाडौं- सरकारले त्रिभुवन विश्वविद्यालयको निमित्त उपकुलपतिमा इन्जिनियरिङ अध्ययन संस्थानका डीन प्रा. डा. सुशील बहादुर बज्राचार्य ल्याएको छ।

तत्कालीन सरकारद्वारा नियुक्त पदाधिकारी हटाउन वालेन्द्र शाह नेतृत्वको सरकारले अध्यादेश ल्याएसँगै विश्वविद्यालय खाली भएको थियो ।

अध्यादेश आउनुअघि नै उपकुलपतिसहित सबै पदाधिकारी पदमुक्त भएपछि प्रधानमन्त्री एवम् कुलपति बालेन शाहले बज्राचार्यलाई निमित्तको जिम्मेवारी दिएका हुन् ।

अध्यादेश जारी हुनुअघि नै त्रिविको उपकुलपतिबाट प्रा. डा. दीपक अर्याल र रेक्टर खड्ग केसीसहितले राजीनामा दिएका थिए ।

उनीहरूसँगै रजिस्ट्रार प्रा.डा. केदारप्रसाद रिजालले पनि राजीनामा दिएका थिए । विश्वविद्यालय पदाधिकारीविहीन भएएपछि बज्राचार्य निमित्त बनाइएको हो ।

विश्वविद्यालयको उपकुलपतिका लागि सिफारिस समिति गठन भएर आवेदन लिन थालिएको छ। उपकुलपतिका लागि आवेदन दिने समय १० दिन तोकिएको छ।