काठमाडौं- नेपाली कांग्रेसको महामन्त्री पदमा प्रदीप पौडेल र गुरुराज घिमिरे निर्वाचित भएका छन् । पार्टीको विशेष महाधिवेशनबाट महामन्त्री पदमा पौडेल र घिमिरे निर्वाचित भएका हुन् ।
पौडेल पार्टीको १४औँ महाधिवेशनमा गगन थापा र विश्वप्रकाश शर्मासँग महामन्त्री पदमै पराजित भएका थिए । अहिले थापा सभापति र शर्मा उपसभापति बन्दा पौडेल महामन्त्री बनेका हुन् । त्यस्तै प्रदेश सभापतिमा पराजित घिमिरे पनि महामन्त्री बनेका छन् ।
पार्टीको ५४ प्रतिशत महाधिवेशन प्रतिनिधिले माग गरेअनुसार आइतबारदेखि काठमाडौँमा विशेष महाधिवेशन सुरु भएको थियो ।
प्रतिक्रिया