काठमाडौं– राष्ट्रिय लिग फुटबल प्रतियोगिता आजबाट सुरु हुँदैछ । अखिल नेपाल फुटबल संघ (एन्फा)को आयोजनामा जारी प्रतियोगिताको उद्घाटन खेलमा काँक्रेविहार यूथ क्लब र फ्रेन्ड्स क्लबबीच प्रतिस्पर्धा हुँदैछ । खेल एन्फा कम्प्लेक्स, सातदोबाटो ललितपुरमा हुनेछ ।

यस्तै, आजै दिउँसो ३ बजे हुने दोस्रो खेलमा भगवती क्लब र चर्च ब्वाइज युनाइटेड क्लबबीच प्रतिस्पर्धा हुनेछ ।

राष्ट्रिय लिगमा ए डिभिजनका १३ र एन्फा प्रेसिडेन्ट लिगका चार गरी १७ टोली सहभागी छन् । राष्ट्रिय लिगमा ए–डिभिजन क्लबहरु चर्च ब्वाइज युनाइटेड, मच्छिन्द्र क्लब, पुलिस क्लब, जावलाखेल युथ क्लब, सातदोबाटो युथ, एनआरटी, त्रिभुवन आर्मी क्लब, मनाङ मस्र्याङ्दी क्लब, सङ्कटा क्लब, फ्रेन्ड्स क्लब, एपिएफ क्लब, प्लानिङ ब्वाइज युनाइटेड र श्री भगवती क्लब सहभागी छन् ।

त्यस्तै एन्फा प्रेसिडेन्ट कपबाट छनोट भएका लालीगुराँस एशोसियनस, चित्लाङ क्लब, नव जनजागृति क्लब र काक्रेविहार स्पोट्र्स क्लब सहभागी छन् ।

सिंगल राउन्ड रोबिनका आधारमा सञ्चालन हुने लिगमा कूल १ सय ३६ खेल हुनेछन् ।