काठमाडौं – नेपाली कांग्रेसको १५औँ महाधिवेशनअन्तर्गत चार प्रदेशबाट केन्द्रीय सदस्य पदका लागि भएको निर्वाचनको मतगणना आज दिउँसोदेखि सुरु हुने भएको छ ।
निर्वाचन समितिका अनुसार मधेस, बागमती, गण्डकी र लुम्बिनी प्रदेशका केन्द्रीय सदस्यको मतगणना दिउँसो ३ बजेदेखि पार्टी केन्द्रीय कार्यालय सानेपामा सुरु हुनेछ ।
निर्वाचन समितिका सदस्य सचिव राजु कटुवालले मतगणनाको तयारी भइरहेको जानकारी दिए ।
उनका अनुसार केन्द्रीय सदस्यका उम्मेदवार स्वयं मतगणना स्थलमा उपस्थित हुन पाउनेछन् । तर, उम्मेदवारले आफ्नो प्रतिनिधि भने राख्न पाउने छैनन् ।
प्रतिक्रिया