काठमाडौं- धादिङको थाक्रे गाउँपालिका–६ स्थित आठ किलोमा खसेको पहिरो पन्छाएपछि काठमाडौं–मुग्लिन सडकखण्ड दुईतर्फी सञ्चालनमा आएको छ ।
अविरल वर्षाका कारण बिहीबार बिहान करिब २:१५ बजे पहिरो खसेपछि सडकखण्ड अवरुद्ध भएको थियो । पहिरोका कारण काठमाडौं र मुग्लिनतर्फ जाने–आउने सवारीसाधन प्रभावित भएका थिए ।
धादिङ प्रहरीले चार वटा उपकरण प्रयोग गरी पहिरो हटाएपछि शुक्रबार बिहान ८ बजेदेखि सडक दुईतर्फी रूपमा सञ्चालनमा आएको जनाएको छ ।
पहिरो हटाएर सडक सञ्चालनमा आए पनि वर्षा भइरहेकाले सडकमा यात्रा गर्दा सावधानी अपनाउन प्रहरीले आग्रह गरेको छ ।
प्रतिक्रिया