काठमाडौँ– फिफा विश्वकप फुटबलमा अमेरिकाले सानदार सुरुवात गरेको छ । आज (शनिबार) बिहान लस एन्जलस स्टेडियममा भएको समूह ‘डी’ को खेलमा पाराग्वेलाई ४–१ गोलले हराउँदै अमेरिकाले विश्वकप–२०२६ मा विजयी सुरुवात गरेको हो ।

अमेरिकाका लागि फोलारिन बालोगुनले दुई तथा जियोभानी रेयनाले एक गोल गरेका थिए । एक गोल आत्मघाती उपहारस्वरुप प्राप्त भएको थियो । पाराग्वेका लागि मौरिसियाले सान्त्वना गोल गरे ।

खेलको सातौँ मिनेटमा पाराग्वेका डेमियन बोबाडिल्लाले गरेको आत्मघाती गोलसँगै अमेरिकाले सुरुवाती अग्रता लिएको थियो ।

३१औँ मिनेटमा फोलारिन बालोगुनले गोल गर्दै अमेरिकाको अग्रतालाई दोब्बर बनाए । यस्तै, पहिलो हाफको इन्जुरी समयमा फोलिरिनले नै व्यक्तिगत दोस्रो गोल गर्दे अमेरिकाको अग्रतालाई तेब्बर बनाए ।

खेलको ७१औँ मिनेटमा पाराग्वेका मौरिसियोले गोल गर्दै खेललाई ३–१ गोलको स्थितिमा ल्याए । तर
दोस्रो हाफको इन्जुरी समयको अन्तिम मिनेटमा अमेरिकाका जियोभानी रेयनाले गोल गर्दै टोलीलाई ४–१ को जित दिलाए ।

यो जितसँगै अमेरिकाले समूह ‘डी’ मा महत्वपूर्ण ३ अंक जोडेको छ ।