काठमाडौं – चरित्र नायिकाको छवि बनाएकी गरिमा शर्मा ९ वर्षको विश्रामपछि ठूलो पर्दामा फर्कने पक्का भएको छ ।

युरोपमा बस्दै आएकी गरिमा एक साताअघि मात्रै फिल्ममा अभिनय गर्नकै लागि स्वदेश आएकी हुन् ।

भुवन केसीको निर्देशनमा छायाङ्करत फिल्म ‘बाटुलो जुन’बाट उनले अभिनयमा कमब्याक गर्ने तय भएको हो ।

स्रोतका अनुसार उक्त फिल्ममा नायकसमेत रहेका भुवनको जोडीको भूमिकामा गरिमा अनुबन्ध भएकी हुन् ।

‘बाटुलो जुन’मा शीर्ष नायक अनमोल केसी र नायिका प्रिन्सी खतिवडा हुन् । यसको प्रदर्शन मिति आगामी दशैँलाई तोकिएको छ ।

गरिमाको अभिनय रहेको पछिल्लो फिल्म स्काउट सन् २०१७ मा प्रदर्शनमा आएको थियो । त्यता उनी युरोपमा बस्दै आएकी छिन् ।

उनले यो बीचमा दाम्पत्य जीवनमा रमाइरहेको तस्बिरहरू सार्वजनिक गर्दै आएकी थिइन् ।

उनलाई फिल्म ‘झोला’की नायिका भनेर पनि चिनिन्छ ।