काठमाडौँ – बुधबारको मन्त्रिपरिषद् बैठकले महत्त्वपूर्ण चार वटा निर्णय गरेको छ । प्रधानमन्त्री वालेन्द्र शाहले बिहीबार बिहानका लागि बोलाएको मन्त्रिपरिषद् बैठकले चार वटा महत्त्वपूर्ण निर्णय गरेको सञ्चार तथा सूचना प्रविधिमन्त्री डा. बिक्रम तिमिल्सिनाले जानकारी दिए ।

तिमिल्सिनाका अनुसार सरकारले नेपाल सरकार (कार्यविभाजन) नियमावली, २०८३ स्वीकृत गर्ने, विद्युतीय सुशासन आयोग गठन तथा सञ्चालन आदेश, २०७९ को संशोधन स्वीकृत गर्ने लगायत निर्णय गरेको हो ।

मन्त्रिपरिषद् बैठकले सरकारी लगानी व्यवस्थापन समितिको सदस्यमा प्रतिनिधि सभाका सदस्य सुशील खड्का (बाग्लुङ) र योगेश गौचन थकाली (मुस्ताङ)लाई मनोनय गर्ने निर्णयसमेत गरेको मन्त्री तिमिल्सिनाले जानकारी दिए । बैठकपछि पत्रकार सम्मेलनमार्फत् उनले बैठकका निर्णय सार्वजनिक गरेका हुन् ।

त्यसैगरी बैठकले भूमि सम्बन्धी (एक्काईसाैँ संशोधन) नियमहरू, २०८३ स्वीकृत गर्ने निर्णय गरेको छ ।

मन्त्रिपरिषद् बैठकका मुख्य निर्णय
– नेपाल सरकार (कार्यविभाजन) नियमावली, २०८३ स्वीकृत गर्ने ।
– विद्युतीय सुशासन आयोग गठन तथा सञ्चालन आदेश, २०७९ को संशोधन स्वीकृत गर्ने ।
– सरकारी लगानी व्यवस्थापन समितिको सदस्यमा प्रतिनिधि सभाका सदस्य माननीय सुशील खड्का, बागलुङ र माननीय योगेश गौचन थकाली, मुस्ताङलाई मनोनयन गर्ने ।
– भूमि सम्बन्धी (एक्काईसाैँ संशोधन) नियमहरू, २०८३ स्वीकृत गर्ने ।