काठमाडौँ – पिएम कप क्रिकेटमा सशस्त्र पुलिस क्लबका आशिफ शेखले शतक प्रहार गरेका छन् । सोमबार मधेश प्रदेशविरुद्ध उनले ९० बलमा शतक प्रहार गरेका हुन् ।
सशस्त्र पुलिसले मधेशविरुद्ध ३३ ओभरको समाप्तिमा १८६ रन बनाउँदा दुई विकेट गुमाएको छ । आशिफ ९८ बलमा नौ चौका र सात छक्काको मद्दतमा १०७ रन बनाएर खेलिरहेको छन् । क्रिजमा अहिले सन्दीप जोरा र आशिफ छन् ।
आजको खेलमा कप्तान रोहित पौडेलले अर्धशतक बनाइसकेका छन् ।
पिएम कपको यो सिजनमा आशिफको यो दोस्रो शतक हो । नौ वटा खेल खेल्दा उनले ३५६ रन बनाउँदा दुई शतक एक अर्धशतक बनाएका छन् ।
प्रतिक्रिया