काठमाडौं – दशकपछि वरिष्ठ कलाकार नीर शाह निर्देशनमा फर्किएका छन् । उनको निर्देशनमा बन्न लागेको फिल्म ‘कमला मिस’को शुक्रबार शुभमुहूर्त भएको छ ।

निर्देशक शाहले ललितपुरको एक निजी विद्यालयमा शुभमुहूर्त गर्दै फिल्मको छायाङ्न सुरु गरेका हुन् ।

उनले निर्देशन गरेको पछिल्लो फिल्म ‘सेतो बाघ’ हो । उक्त फिल्म सन् २०१४ मा प्रदर्शनमा आएको थियो । १२ वर्षपछि उनी निर्देशनमा फर्किएका हुन् ।

मनोविज्ञानका सूक्ष्म आयामलाई केन्द्रमा राखेर बनाउन लागिएको ‘कमला मिस’मा बासना तिमिल्सिना, शिवम सराफ क्षेत्री, आरभ दाहाल र भावना मगरलगायतका कलाकारको अभिनय रहने बताइएको । फिल्ममा शाह पनि शीर्ष भूमिकामा रहनेछन् ।

शाह शीर्ष भूमिकामा रहेको पछिल्लो फिल्म ‘परान’ले बक्स अफिसमा करिब १८ करोड ग्रस कलेक्सन गरेको थियो ।