काठमाडौं – कोपा डेल रेलको सेमिफाइनल अन्तर्गत पहिलो लेगमा बार्सिलोनाले लज्जास्पद हारको सामना गरेको छ । घरेलु मैदानमा उत्कृष्ट प्रदर्शन गरेको एट्लेटिको म्याड्रिडसँग बार्सिलोना ४–० ले पराजित भएको हो ।

बार्सिलोनाले खेलको सुरुवातमा गरेको आत्मघाती गोलले उसलाई मैदानमा कमजोर बनाएको थियो । पहिलो गोल बार्सिलोनाका एरिक गार्सियाले गोलरक्षकलाई पास दिँदा भएको थियो ।

दोस्रो गोल खेलको १४ औं मिनेटमा एन्टोनी ग्रिजम्यानले गरे भने तेस्रो गोल ३३ औं मिनेटमा लुकम्यानले गरेका थिए । पहिलो हाफको अतिरिक्त समयमा अल्भारेजले गोल गर्दै पहिलो हाफमा बार्सिलोनमाथि एट्लेटिकोले ४ गोल गरेको थियो ।

पहिलो हाफमै ४–० ले पछाडि परेको बार्सिलोनाले दोस्रो हाफमा पुनरागमन गर्न नसक्दा लज्जास्पद हारको सामना गरेको हो । उसका लागि दोस्रो हाफमा पाउ कुबार्सीले गरेको गोल अफसाइट ठहरिएको थियो ।

खेलको सुरुमै दबाबमा परेको बार्सिलोनाका एरिक गार्सियाले फउल गरेपछि रातो कार्ड पाएर मैदान छोड्न बाध्य भएका थिए । उनले एलेक्स बेनालाई फउल गरेपछि खेलको अन्तिमतिर रातोकार्ड पाएका हुन् ।

सेमिफाइनलको दोस्रो लेगको खेल मार्चा ३ तारिखमा बार्सिलोनाको मैदानमा हुनेछ ।