काठमाडौं- पाकिस्तानको पञ्जाब प्रान्तस्थित फैसलावाद शहरमा वर्ष सन् २०२५ मा ३ सय ११ वटा हत्याका घटना भएका छन् । सन् २०२५ मा कुल ७५ हजार ५ सय ७६ वटा घटना दर्ता गरिएको फैसलावाद प्रहरीले जनाएको छ । यद्यपि सन् २०२४ को तुलनामा भने आपराधिक घटनामा कमी आएको छ ।
२०२४ को तुलनामा २०२५ मा शहरमा ७ हजार ३ सय २५ कम उजुरी दर्ता भएको छ । उक्त शहरमा सो अविधमा १५ हजारभन्दा धेरै लुटपाट, चारी र पकेटमारीका घटना भएका छन् ।
यी घटनाबाट नागरिकलाई ३ अर्ब पाकिस्तानी रुपैयाँभन्दा धेरैको नोक्सानी भएको छ । लुटपाटका क्रममा १४ जनाको हत्या भएको छ भने ९८ जना घाइते भएका छन् ।
प्रतिक्रिया