काठमाडौं– मंगलबार नेपाल स्टक एक्सचेञ्ज (नेप्से) झिनो अंकले बढेको छ । आज नेप्सेमा ६ अर्ब ९९ करोड ४ लाख ८४ हजार रुपैयाँको कारोबार हुँदा ४.९० अंकले नेप्से बढेर २६३९.९१ बिन्दुमा पुगेको हो ।
आज नेप्सेमा कारोबार भएका मध्ये ११८ वटा कम्पनीको सेयर मूल्य बढ्यो भने १३४ वटा कम्पनीको सेयर मूल्यमा गिरावट आयो । तर, आज ८ वटा कम्पनीको सेयर मूल्य भने स्थिर रह्यो ।
आज नेप्सेमा भएको सेयर कारोबारमा थ्री स्टार हाइड्रोपावरको सेयर बिक्री गर्नेले सबैभन्दा धेरै नाफा आर्जन गरे भने रसुवागढी हाइड्रोको सेयर बिक्री गर्नेले सबैभन्दा धेरै घाटा खाए । आज नेप्से झिनो अंकले बढेपनि ६ वटा समूहको उपसूचक सकारात्मक भयो भने ६ वटा समूहको उपसूचक नकारात्मक रह्यो ।
प्रतिक्रिया