काठमाडौं – पत्रकारिता पृष्ठभूमिका रघुनाथ सापकोटा फिल्म निर्माणमा होमिएका छन् । उनले तीन फिल्म निर्माण घोषणा गरे । फिल्म ‘तीन तिघ्रे क्या बिग्रे’ भने कलाकार चयनको अन्तिम चरणमा पुगेको छ ।

यस फिल्मबाट रघुनाथले गायक पशुपति शर्मा र हाँस्य कलाकार प्रभात लामालाई डेब्यू गराउने पक्का भइसकेको छ । फिल्मको नायिकाकमा गायिका अञ्जु पन्तकी छोरी परितोषिका पन्त अनुबन्ध भइसकेकी छन् । उनको पनि यो डेब्यू फिल्म हो ।

फेरि यस फिल्मको शीर्ष भूमिकामा बेगम नेपाली अनुबन्ध भएका छन् । बेगम सानो पर्दामा ‘भटभटे माइला’ नामक पात्रले चर्चामा छन् । शीर्ष भूमिकामा उनको पनि ठूलो पर्दामा डेब्यू हो ।

यही सातादेखि फिल्मको छायाङ्कन हुने निर्माता सापकोटाले बताए ।

रघुजी फिल्म्सको ब्यानरमा बन्ने यस फिल्म पूर्ण कमेडी जनरामा बन्न लागेको हो । यसको निर्देशक तथा लेखक अमरदीप सापकोटा हुन् ।