काठमाडौँ – विश्वकपको रोमाञ्चक खेलमा निर्धारित ९० मिनेटको समय १–१ गोलको बराबरीमा सकिएपछि नर्वे र इङ्गल्यान्डबीचको खेल अतिरिक्त समयमा धकेलिएको छ ।

अतिरिक्त समयमा इंग्ल्यान्डले २-१ को अग्रता लिएको छ ।

खेलको ३६ औँ मिनेटमा कप्तान मार्टिन ओडेगार्डको पासमा एन्ड्रियास सेल्डरअपले गोल गर्दै नर्वेलाई सुरुवाती अग्रता दिलाएका थिए । तर, पहिलो हाफको इन्जुरी समयको दोस्रो मिनेटमा एन्थोनी गोर्डनको पासलाई सदुपयोग गर्दै जुड बेलिङ्घमले गोल गरेपछि इङ्गल्यान्ड खेलमा फर्किएको थियो ।

पहिलो हाफ १–१ को बराबरीमा सकिएकोमा दोस्रो हाफमा दुवै टोलीबाट थप गोल हुन सकेन र खेल अतिरिक्त समयमा धकेलिएको हो ।

अतिरिक्त समयको तेस्रो मिनेटमा सुन्दर गोल गर्दै इंग्ल्यान्डका जुड बेलिङ्घमले खेलमा अग्रता दिलाएका हुन् ।

अहिले अतिरिक्त समयको खेल भइरहेको छ । विजेता टिम विश्वकपको सेमिफाइनलमा पुग्नेछ ।