काठमाडौँ – आईसीसी पुरुष क्रिकेट विश्वकप लिग–२ अन्तर्गत मंगलबार नेपालले स्कटल्यान्डसँग प्रतिस्पर्धा गर्दैछ । कीर्तिपुरस्थित त्रिवि अन्तर्राष्ट्रिय क्रिकेट मैदानमा स्कटल्यान्डले टस जितेर पहिला ब्याटिङ गर्दैछ ।

नेपालले निरन्तर ओपनिङमा देखिने नेपाली आक्रामक ब्याट्सम्यान कुशल भुर्तेललाई आराम दिएर अर्जुन कुमाललाई अवसर दिएको छ । अर्जुनसँगै अनुभवी ओपनर एवम् विकेट किपर विनोद भण्डारीलेसमेत निरन्तर अवसर पाएका छन् ।

स्कटल्यान्डविरुद्धको आजको खेलका लागि नेपालको प्लेयिङ ११ सार्वजनिक भएको छ । कीर्तिपुरस्थित त्रिवि क्रिकेट मैदानमा हुने यस खेलका लागि घोषित टोलीमा रोहित पौडेलले कप्तानी सम्हाल्नेछन् ।

रोहित पौडेल (कप्तान), दीपेन्द्रसिंह ऐरी (उपकप्तान), विनोद भण्डारी (विकेटकिपर), आसिफ शेख, अर्जुन कुमाल, आरिफ शेख, गुलशन झा, करण केसी, नन्दन यादव, सन्दीप लामिछाने र ललित राजवंशी नेपाली टिममा परेका छन् ।