काठमाडौँ – श्रम संस्कृति पार्टीका अध्यक्ष हर्कराज साम्पाङले समानुपातिकतर्फको सांसदको टुंगो लगाउन भइरहेको पार्टीभित्रको रस्साकस्सीबारे सामाजिक सञ्जाल फेसबुकमार्फत आक्रोस पोखेका छन् ।

समानुपातिकतर्फ जम्मा ४ सांसद पक्कापक्की गरेको यो दलभित्र आकांक्षी धेरै भएपछि साम्पाङले आक्रोश पोखेका हुन् ।

उनले अबदेखि समानुपातिकको विषयमा रोइलो गर्नेलाई पार्टीको साधारण सदस्यसमेत नरहने गरी निष्काशन गर्ने चेतावनी दिएका छन् ।

‘अब उप्रान्त समानुपातिकको विषयमा रोइलो गर्ने जति सबैलाई साधारण सदस्य समेत नरहने गरी पार्टीबाट निष्काशन गर्नेछु । हद भो,’ उनले लेखेका छन् ।

त्यसअघि उनले भात खाऊ, मेरो टाउको नखाऊ भन्दै फेसबुकमै पोस्ट गरेका थिए । श्रम संस्कृति पार्टीले प्रत्यक्षतर्फ ३ सिट जितेको छ ।