काठमाडौं – झापा–५ का मतदातालाई गालीगलौज गरेको आरोपमा प्रहरीले एक जनालाई पक्राउ गरेको छ ।
उपत्यका अनुसन्धान कार्यालयका एसएसपी सन्तोष खड्काका अनुसार झापाका ४५ वर्षीय रवि चुडाललाई बिहीबार काठमाडौँबाट पक्राउ गरिएको हो ।
प्रहरीका अनुसार सामाजिक सञ्जालमार्फत झापा–५ स्थित दमक क्षेत्रका मतदातालाई लक्षित गरी गालीगलौज गरेको आरोपमा उनीविरुद्ध उजुरी परेको थियो । सोही उजुरीका आधारमा अनुसन्धान अघि बढाउँदै उनलाई नियन्त्रणमा लिइएको प्रहरीले जनाएको छ ।
प्रहरीका अनुसार चुडालविरुद्ध यसअघि नै एक महिला पत्रकारलाई गालीगलौज गरेको आरोपमा पनि पक्राउ पुर्जी जारी भइसकेको थियो ।
प्रतिक्रिया