काठमाडौं- कुवेतस्थित अन्तर्राष्ट्रिय विमानस्थलमा ड्रोन हमला भएको छ । कुवेतको सरकारी समाचार एजेन्सीले जनाएअनुसार कुवेत अन्तर्राष्ट्रिय विमानस्थललाई लक्षित गरी ड्रोन आक्रमण भएका हुन् ।
नागरिक उड्डयन सार्वजनिक प्राधिकरणलाई उद्धृत गर्दै सामाजिक सञ्जाल ‘एक्स’ मा सार्वजनिक गरिएको जानकारी अनुसार उक्त आक्रमणबाट विमानस्थलमा भौतिक क्षति पुगेको छ ।
यद्यपि, यस घटनामा कुनै पनि मानवीय क्षति भने नभएको अधिकारीहरूले पुष्टि गरेका छन् । पश्चिम एशियामा तनाव चुलिएसँगै पछिल्लो समय कुवेतसहित बहराइन, यूएई, साउदी अरब, ओमान, कतारजस्ता खाडी मुलुकमा रहेका सैन्य तथा नागरिक ठेगानालाई लक्षित गरी हमला तीव्र भएका छन् ।
प्रतिक्रिया