काठमाडौं – नायक प्रदीप खड्काको अभिनय रहेको फिल्म ‘एक्लो’ बक्स अफिसमा फ्लप भएको छ । सुरुवाती दिनदेखि नै हलमा कम दर्शक पाएको यस फिल्मको १० दिने ग्रस कलेक्सन हेर्दा १ करोड व्यापार गर्न पनि मुस्किल देखिन्छ ।

चलचित्र विकास बोर्डका अनुसार यो फिल्मले पुस १७ देखि २६ गतेसम्म ४३ लाख २५ हजार मात्रै ग्रस कलेक्सन गरेको छ ।

साइन्स फिक्सन जनरामा बनेको यस फिल्मले दर्शकबाट सकारात्मक वर्ड अफ माउथ पाउन सकेन । यसको असर व्यापारमा देखिएको हो । अहिले अधिकांश हलहरुले यस फिल्मको शो कटौती गरिसकेका छन् ।

यस फिल्ममा बेलायती नायक जेमी बेकन, विजय लामा, कविता नेपाली, बेनिशा हमाल, दिनेश डीसी र सुरजसिंह ठकुरीलगायतको अभिनय रहेको छ ।

शाइ प्रोडक्सन नेपालको ब्यानरमा बनेको यस फिल्मको लेखक र निर्देशक प्रलीप शाही हुन् ।