काठमाडौं- राष्ट्रपति रामचन्द्र पौडेलले नीति तथा कार्यक्रम सार्वजनिक गरिरहँदै सरकारका प्रधानमन्त्री बालेन्द्र शाह त्यहाँबाट निस्किएका छन् ।

लगभग आधा घण्टा जसो बसेर उनी त्यहाँबाट निस्किएका हुन् । राष्ट्रपतिले एक घण्टा १५ मिनेटभन्दा लामो नीति तथा कार्यक्रम सार्वजनिक गरेका थिए । बैठकमा उपस्थित नेताहरूका अनुसार नीति तथा कार्यक्रम सार्वजनिक गरेको आधा घण्टासम्म प्रधानमन्त्री त्यहाँ भएपनि त्यसपछि उनी निस्किएका हुन् ।

“आधा घण्टासम्म स्वर्णिम वाग्लेको छेउमा हुनुहुन्थ्यो। त्यसपछाडि उहाँ निस्किनुभयो ।” प्रतिनिधिसभा बैठकबाट एक सांसदले भने, “राष्ट्रपतिज्यूले नीति तथा कार्यक्रम प्रस्तुत गरिरहँदै उहाँ निस्कनुभएको हो ।”

सामान्यतया राष्ट्रपतिले सरकारको नीति तथा कार्यक्रम प्रस्तुत गरिरहँदा त्यहाँबाट निस्किन मिल्दैन तर प्रधानमन्त्री भने निस्किएर हिँडेका छन् ।

संसदको नियमावलीमा प्रधानमन्त्री बालेन शाहले राष्ट्रपति समक्ष प्रतिवेदन पेश गर्नुपर्ने हुन्छ । उनले सुरुमा नीति तथा कार्यक्रम राष्ट्रपति समक्ष पेश भने गरेका थिए ।