पोखरा– जेसीबी नेपालले पोखरामा आयोजित विशेष ग्राहक भेटघाट तथा साँचो हस्तान्तरण कार्यक्रममा १२ वटा निर्माण उपकरण हस्तान्तरण गरेको छ। 

हस्तान्तरण गरिएका उपकरणहरूमा JCB 3DX ब्याकहो लोडर र JCB 221 एक्साभेटर जस्ता लोकप्रिय मेसिनहरू रहेका छन्। टिकाउपन, उच्च रिसेल भ्यालु र प्रभावकारी सञ्चालन क्षमताका कारण यी उपकरण नेपाली निर्माण बजारमा व्यापक रूपमा प्रयोग हुँदै आएका छन्।

जेसीबी नेपालका अनुसार देशभर ३२ भन्दा बढी बिक्री तथा सेवा केन्द्र र २०० भन्दा बढी दक्ष सपोर्ट इन्जिनियरमार्फत आफ्टर सेल्स सर्भिस उपलब्ध गराइँदै आएको छ। कम्पनीले बलियो सेवा सञ्जालका कारण ग्राहक विश्वास निरन्तर बढिरहेको जनाएको छ।

कार्यक्रममा पश्चिम नेपालका ठूला ठेकेदार, पूर्वाधार विकासकर्ता तथा व्यवसायीहरूको सहभागिता रहेको थियो। सहभागीहरूले भरपर्दो प्रविधि, न्यून सञ्चालन जोखिम र दीर्घकालीन लाभका कारण जेसीबी उपकरणप्रति आकर्षण बढेको बताएका छन्।

कार्यक्रमलाई सम्बोधन गर्दै जेसीबी नेपालका प्रमुख कार्यकारी अधिकृत तेज प्रसाद सुवेदीले ग्राहकहरू लगानी प्रतिफलप्रति अझ सचेत हुँदै गएको उल्लेख गरे। उनले कार्यसम्पादन, सेवा सुनिश्चितता र दीर्घकालीन विश्वसनीयताका कारण जेसीबीप्रति विश्वास मजबुत भएको बताए।