काठमाडौं- अमेरिकी राष्ट्रपति डोनाल्ड ट्रम्पले इरानको सैन्य शक्ति पूर्ण रूपमा ध्वस्त भएको दाबी दोहोर्‍याएका छन् । उनले सामाजिक सञ्जालमा पोस्ट गर्दै इरानले युद्ध हारिरहेको उल्लेख गरेका छन् । ट्रम्पको दाबी अनुसार इरानको नौसेना, वायुसेना र मिसाइल कारखानाहरू अहिले काम नलाग्ने अवस्थामा पुगेका छन् ।

अल्लाहलाई पुकार्दै उनले इरानका पुराना नेताहरू पनि अब नरहेको टिप्पणी गरेका छन् । अहिले पाकिस्तानमा इरान र अमेरिकाबीच स्ट्रेट अफ हर्मुज खुलाउने विषयमा वार्ता भइरहेको छ।

ट्रम्पले भने अमेरिकाले नै उक्त समुद्री मार्ग सफा गर्ने प्रक्रिया सुरु गरेको बताएका छन् । उनले यसलाई चीन, जापान र जर्मनी जस्ता देशहरूका लागि गरिएको सहयोगको रूपमा व्याख्या गरेका छन् ।

इरानसँग यो काम गर्ने हिम्मत र इच्छाशक्ति नभएको उनको आरोप छ। अहिले धेरै देशका खाली तेल जहाजहरू तेल भर्नका लागि अमेरिकातर्फ आइरहेको उनले जानकारी दिएका छन् ।

ट्रम्पले सञ्चारमाध्यमहरूको पनि कडा आलोचना गरेका छन् । केही मिडियाले इरान बलियो भएको भन्दै झुटो प्रचार गरेको उनको भनाइ छ ।