काठमाडौं- तिब्बतमा १८ वर्षभन्दा कम उमेर समूहका केटाकेटीलाई गुम्बा प्रवेशमा रोक लगाइएको छ । चिनियाँ सामाजिक सञ्जाल विच्याटमा यसबारे भिडियो प्रकाशित भएपछि चौतर्फी आलोचना शुरु भएको छ ।

विच्याटमा सार्वजनिक भएको भिडियोमा तिब्बतको खाम क्षेत्रमा रहेको एउटा गुम्बामा १८ वर्षभन्दा कम उमेर समूहका बालबालिकालाई प्रवेश निषेध लेखिएको छ ।

यसबाट धार्मिक गतिविधिमा बालबालिकाको संलग्नता निरुत्साहित गर्ने चिन्ता पैदा भएको छ । जनवरी र फेब्रुअरी महिनामा पर्ने हिउँदे बिदाको बेलामा तिब्बती बालबालिका आफ्ना अभिभावकसँग धार्मिक स्थाल जाने गर्छन् ।

उनीहरुलाई धार्मिक गतिविधिमा रोक लगाउनका लागि चीन सरकारले हिउँदे बिदाको मौका छोपेर नयाँ नियम ल्याएको हुनसक्ने आँकलन गरिएको छ ।

तिब्बत वाचमा शोधकर्ताको काम गर्दै आएको डा. सोनम टोब्ग्यालले तिब्बती सँस्कृतिको पुस्तान्तरण रोक्नका लागि नयाँ नियम ल्याइएको आरोप लगाएका छन् ।