काठमाडौं – बङ्गलादेश प्रिमियर लिग (बीपीएल) अन्तर्गत आइतबार नेपाली लेग स्पिन सन्दीप लामिछाने आवद्ध टिम राजशी वारियर्सले खेल्दैछ। आइतबार दिउँसो १२:४५ बजे सुरु हुने खेलमा सन्दीपको टिम वारियर्सले रंगपुर राइडर्ससँग प्रतिस्पर्धा गर्नेछ।

अहिलेसम्म ६ खेल खेल्दा चार जित निकाल्दा दुई हारको सामना गरेको छ। आठ अंक जोडेको राजशी तालिकाको चौथो स्थानमा छ। समान खेल खेलेको रंगपुरको समेत आठ अंक छ। तर रनरेटका आधारमा रंगपुर तालिकाको दोस्रो स्थानमा छ।

तीन खेलमा प्लेइङ ११ मा परेका सन्दीप लामिछाने भने चार विकेट हात पारेका छन्। सन्दीप आजको खेलको प्लेइङ ११ मा पर्ने वा नपर्ने भन्ने निश्चित भइसकेको छैन। सुरुवा खेलमा पहिरो रोजाइमा परेका सन्दीप पछिल्ला खेलमा प्लेइङ ११ मा पर्न सकेका छैनन्।