काठमाडौँ– नेपाली कांग्रेसको १५औं महाधिवेशनअन्तर्गत भएको निर्वाचनमा उपसभापति (खुला २) पदमा चन्द्रकान्त भण्डारी र मधु आचार्यले अग्रताले अग्रता लिएका छन् ।
पछिल्लो मतपरिणामअनुसार १ हजार ३३० मत गणना हुँदा भण्डारीले ६७९ मत प्राप्त गरेका छन् । त्यस्तै, आचार्यले ३९३ मत प्राप्त गर्दै दोस्रो स्थानमा रहेका छन् ।
यसैगरी, गोविन्द भट्टराई ३४५, सुरेन्द्रराज पाण्डे ३३७, दीपक गिरी २६४, धनराज गुरुङ २४० र प्रा.डा. चन्द्र मोहन यादवले १३८ मत प्राप्त गरेका छन् ।
यस्तै, उपसभापति (समावेशी १) पदका लागि भएको निर्वाचनमा बिनोद कुमार चौधरीले ३८२, जीवन परियार ३३०, फरमुल्लाह मंसुर १९०, सीता गुरुङ १७० र रञ्जित कर्णले १०७ मत पाएका छन् ।
प्रतिक्रिया