बुटवल- खाना पकाउने ग्यासको सहज आपूर्ति नभएपछि रुपन्देहीमा उत्पादकबाट सिधै उपभोक्तालाई वितरण थालिएको छ ।

बुटवलस्थित बाल संगठन परिसरमा टन्टलापुर घाममा छाता ओढेर मंगलबार ग्यासको पर्खाइमा सयौँ उपभोक्ता लाइनमा लागेका छन्।

नेपाल आयल निगम लुम्बिनी प्रादेशिक कार्यालयको पहलमा बुटवल र भैरहवामा उत्पादकबाट सिधै उपभोक्तालाई भरी ग्यास सिलिण्डर बिक्री भइरहेको छ ।

नेपाल आयल निगम लुम्बिनी प्रादेशिक कार्यालय भलबारीले ग्यास बिक्रेता संघ र जिल्ला प्रशासन कार्यालय रुपन्देहीसँगको सहकार्यमा ग्यास वितरण थालेको हो ।

मंगलबार बुटवलको बाल मन्दिर र भैरहवाको खाद्य संस्थानमा गरेर १ हजार ६ सय ग्यास सिलिन्डर वितरण भइरहेको छ । 

यहाँ बुटवल, आरती, सिद्धार्थ, सिद्धिनाथ, त्रिशूल, जानकी, स्वस्तिक, चण्डेश्वरी र लुम्बिनीलगायत ब्राण्डका ग्यास बिक्री–वितरण भइरहेको हो ।

रुपन्देहीमा टन्टलापुर घाम लागेको छ । उपभोक्ता छाता ओढेर भरी सिलिन्डर ग्यास लिन लाइनमा छन् । 

तस्बिर : प्रदीप आचार्य/नेपाल फोटो लाइब्रेरी