काठमाडौँ – फिफा विश्वकप २०२६ मा फ्रान्सेली स्ट्राइकरद्वय किलियान एम्बाप्पे र उस्मान डेम्बेलेले २४ वर्ष पुरानो दुर्लभ कीर्तिमानको बराबरी गरेका छन् ।

एउटै विश्वकपमा ५ वा सोभन्दा बढी गोल गर्ने उनीहरू सन् २००२ यताकै पहिलो राष्ट्रिय जोडी (एउटै देशका दुई खेलाडी) बनेका हुन् ।

यसअघि सन् २००२ को विश्वकपमा ब्राजिललाई च्याम्पियन बनाउने क्रममा लिजेन्ड फरवार्ड रोनाल्डो र रिभाल्डोले यो ऐतिहासिक उपलब्धि हासिल गरेका थिए । उक्त विश्वकपमा रोनाल्डोले ८ र रिभाल्डोले ५ गोल गरेका थिए ।

जारी विश्वकप २०२६ मा फ्रान्सका लागि एम्बाप्पेले ८ गोल गरिसकेका छन् भने डेम्बेलेले ५ गोल गर्दै ब्राजिलियन जोडीको उक्त ऐतिहासिक विरासतलाई पछ्याएका हुन् । फ्रान्स सेमिफाइनल पुगिसकेकाले यो कीर्तीमान तोडिने अनुमान गर्न सकिन्छ ।

विश्वकपको इतिहासमा एउटै टोलीका दुई खेलाडीले ५ भन्दा बढी गोल गरेको यो २४ वर्षपछिको पहिलो अवसर हो । सेमिफाइनल यात्रा तय गरिसकेको फ्रान्सका लागि यी दुई फरवार्डको लय जारी प्रतियोगितामा सबैभन्दा बलियो हतियार बनेको छ ।